Imus City, Cavite – Nagsagawa ng Police Assistance at Security ang Imus City PNP sa mga mag-aaral, magulang o bantay at mga guro ng Pasong Buaya II Elementary School, Pasong Buaya II, Imus City, Cavite nitong Agosto 22, 2022.
Ang aktibidad ay alinsunod sa Oplan Balik Eskwela 2022 na may temang: “Kapit Bisig para sa mas Ligtas na Balik-Aral”.
Ito ay pinangunahan ni Police Chief Master Sergeant Alan B. Reyes, Station Commander at Police Corporal Bryan S. Baladjay, POP 2 PNCO sa pamumuno ni Police Lieutenant Colonel Jose Junar P. Alamo, Chief of Police ng Imus City Police Station kasama ang mga BPATs ng barangay.
Tinulungan ang mga mag-aaral, magulang o bantay at guro sa kanilang pagtawid sa daan, pinatili ang kaayusan ng pagpasok at paglabas sa paaralan, pinaalahanan na panatilihing gumamit ng facemask at maging alerto sa mga nakakahinalang tao.
Layunin nitong isulong ang kaligtasan ng bawat isa sa paaralan, maiwasan ang pagkakaroon ng krimen sa lugar at masubaybayan ang pagsunod sa minimum health protocols para maiwasan ang pagkalat ng COVID-19 virus.
Source: Imus City Police Station
###
Panulat ni Police Staff Sergeant Donabel Dulin
