Tanza, Cavite – Nagsagawa ng Police Assistance at Security ang Tanza PNP alinsunod sa Oplan Balik Eskwela 2022 na may temang: “Kapit Bisig para sa Mas Ligtas na Balik-Aral” sa mga mag-aaral at magulang o bantay sa Sanja Mayor Elementary School, Brgy. Sanja Mayor, Tanza, Cavite nitong Lunes, Agosto 22, 2022.
Ito ay pinamunuan ni Police Lieutenant Colonel Gerry Laylo, Acting Chief of Police ng Tanza Municipal Police Station, kasama ang mga Barangay Peacekeeping Action Teams (BPATs).
Tinulungan ang mga mag-aaral at magulang o bantay sa pagtawid sa daan, pinaalahanan na panatilihing gumamit ng facemasks at iwasan ang mag-umpukan at maging mapagmatyag sa mga dalang gamit.
Layunin nitong isulong ang kaligtasan ng bawat isa sa paaralan, maiwasan ang pagkakaroon ng krimen sa lugar at subaybayan ang pagsunod sa minimum health protocols para maiwasan ang pagkalat ng COVID-19 virus.
Source: Tanza Municipal Police Station
###
Panulat ni Police Staff Sergeant Donabel Dulin
