Quezon, Bukidnon – Arestado ang isang magsasaka sa kasong Attempted Murder sa isinagawang Provincial Simultaneous Anti-Criminality and Law Enforcement Operations (SACLEO) sa Purok-7 Puntian, Quezon, Bukidnon nito lamang Agosto 21, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang suspek na si Cesar Macarayan Española, 44, magsasaka at residente ng Purok-7 Puntian, Quezon, Bukidnon.
Ayon kay PCol Lagare, nadakip ang suspek bandang 7:00 ng gabi ng mga operatiba ng Quezon Municipal Police Station, Provincial Intelligence Unit at 1003rd Regional Mobile Force Battalion sa bisa ng Warrant of Arrest sa kasong Attempted Murder na may inirekomendang piyansa na Php120,000.
Nagpahayag ng kanyang papuri sa mga rumespondeng tauhan ng Bukidnon PNP si PCol Lagare para sa mahusay na pagganap sa sinumpaang tungkulin para mas maging ligtas ang probinsya ng Bukidnon laban sa anumang kriminalidad.
###
Panulat ni Patrolman Jomhel Tan/RPCADU 10
