Bayugan City, Agusan del Sur – Timbog ang isang lalaki sa kasong Rape sa isinagawang operasyon ng Bayugan City PNP sa Brgy. Taglibas, Bayugan City, Agusan del Sur nito lamang Lunes, Agosto 22, 2022.
Kinilala ni Police Lieutenant Colonel Michael John Mangahis, Chief of Police ng Bayugan City Police Station, ang suspek na si Angelito Lumangtad, 18, residente ng Purok 1, Brgy. Taglibas, Bayugan City, Agusan del Sur.
Ayon kay PLtCol Mangahis, bandang 9:45 ng umaga nang naaresto si Lumangtad sa naturang lugar ng mga operatiba ng Bayugan City Police Station sa kasong Rape na walang nirekomendang piyansa.
Patuloy ang Bayugan City PNP sa pag-aresto sa may mga pananagutan sa batas upang mabigyang hustisya ang biktima at mapangalagaan ang komunidad.
###
Panulat ni Patrolman Jhunel Cadapan/RPCADU13
