Tipas, Taguig City — Tinatayang Php108,800 na halaga ng shabu ang nasabat sa isang suspek sa buy-bust operation ng Taguig City Police Station nito lamang Lunes, Agosto 22, 2022.
Kinilala ni Police Colonel Kirby John Kraft, Acting District Director ng SPD, ang suspek na si Joshua Paul Cabalu y Ambagan, 18 taong gulang.
Ayon kay PCol Kraft, pasado 12:00 ng madaling araw naaresto si Cabalu sa kahabaan ng F. Manalo St. Barangay Calzada Tipas, Taguig City ng mga operatiba ng Drug Enforcement Unit (SDEU) at Sub-Station 5 ng Taguig City.
Nakumpiska kay Cabalu ang isang maliit at tatlong medium size na heat-sealed transparent plastic sachet na naglalaman ng hinihinalang shabu na humigit kumulang 16.05 gramo, Php200 na buy-bust money at pula na coin purse.
Nahaharap si Cabalu sa kasong paglabag sa R.A. 9165 o Comprehensive Dangerous Drugs Act of 2002.
Lalo pang hinihikayat ng PNP ang ating mga kababayan na isuplong sa otoridad ang mga sangkot sa ilegal na droga upang maging drug-free na ang bansa.
Source: SPD PIO
###
Panulat ni PSSg Remelin M Gargantos
