Brooke’s Point, Palawan – Narekober ang mga kagamitan ng CTGs sa isinagawang joint operation ng mga tauhan ng Palawan PNP sa Sitio Bayog, Brgy. Aribungos, Brooke’s Point, Palawan noong Agosto 22, 2022.
Ayon kay Police Major Raffy Esperida, Chief of Police ng Brooke’s Point Municipal Police Station, nagsagawa ng joint operation ang mga tauhan ng Provincial Intelligence Unit, Palawan Police Provincial Office,1st Provincial Mobile Force Company na nagresulta sa pagkakarekober ng isang hand grenade, isang caliber .38 revolver, at anim na live ammunition para sa parehong kalibre.
Ayon pa kay PMaj Esperida, narekober ang mga sandata ng CTGs sa pamamagitan ng impormasyon ng isang dating rebelde na nagturo sa operating team ng eksaktong lokasyon.
Dagdag pa ni PMaj Esperida, ang mga narekober na baril at hand grenade ay nasa kustodiya na ng Palawan PPO para sa kaukulang disposisyon.
Source: Brooke’s Point MPS
###
Panulat ni Patrolman Joebet Balana
