Cotabato – Tinatayang Php156,000 halaga ng smuggled na sigarilyo ang nasabat ng SOCCSKSARGEN PNP sa dalawang suspek sa isinagawang checkpoint operation sa National Highway, Barangay Presbitero, Pigcawayan, Cotabato noong Agosto 21, 2022.
Kinilala ni Police Brigadier General Jimili Macaraeg, Regional Director ng Police Regional Office 12, ang mga naarestong suspek na sina Jhon Rey Vilar Calumba, nasa wastong gulang, driver at residente ng Barangay Purok 5, Central Katingawan, Midsayap, Cotabato at si Al Jabar Dinggi Jaurasa, nasa wastong gulang, vendor at residente ng Barangay Zone 1, Digos City, Davao Del Sur.
Ayon kay PBGen Macaraeg, nahuli ang mga suspek matapos mahulihan ang minamaneho nilang isang yunit ng Toyota Hi Ace Van ng 12 box na naglalaman ng smuggled na sigarilyo na walang kaukulang dokumento.
Nasa kustodiya na ng Bureau of Customs, General Santos City ang mga nakumpiskang ebidensya para sa tamang disposisyon.
Nahaharap naman ang mga nadakip na suspek sa kasong illegal Transportation of smuggled cigarettes.
Pinuri naman ni PBGen Macaraeg ang mga tauhan ng PRO12 Pigcawayan MPS (Pigcawayan Municipal Police Station) at 90 Infantry Battalion, 6 Infantry Division ng Philippine Army sa matagumpay na pagkakaharang sa ibiniyaheng mga smuggled na sigarilyo na hindi umano’y nagmula pa sa Digos City patungong Cotabato Province.
Source: Police Regional Office 12 – Public Information Office
###
Panulat ni Patrolman Khnerwin Jay A Medelin
