San Juan City – Nagsagawa ng School Visitation ang kapulisan ng San Juan City Police Station sa San Juan Elementary School, San Juan City nito lamang umaga ng Lunes, Agosto 22, 2022.
Ang aktibidad ay pinangunahan ng mga tauhan ng San Juan CPS sa pangunguna ni Police Colonel Elpidio A Ramirez, Chief of Police kasama ang mga tauhan ng SCAS.
Nagsagawa sila ng information drive on crime prevention advocacy program at namahagi din ng mga Health Kits (Facemask and Alcohol) sa mahigit 100 na mga mag-aaral at guro ng nasabing paaralan.
Patuloy din ang pagpapatupad ng minimum public health standard protocols upang mabawasan ang transmission ng mas nakakahawang variant ng COVID-19.
Ang aktibidad ay naglalayon na palawigin ang pagsuporta ng PNP sa komunidad at magbigay ng mga pangunahing serbisyo upang patuloy na mapanatili ang kaligtasan ng mga estudyante lalo na ngayong nag-umpisa na ang face to face classes ng mga mag-aaral.
Source: San Juan City PS
###
Panulat ni PSSg Remelin M Gargantos
