Tubigon, Bohol – Masayang isinagawa ng mga tauhan ng Bohol Police Provincial Office ang Community Outreach Activity sa Barangay Batasan Island, Tubigon, Bohol nito lamang ika-21 ng Agosto 2022.
Ang aktibidad ay pinangunahan ni Police Lieutenant Colonel Joseph Puyod Berondo, Chief, PCADU sa direktang pangangasiwa ni Police Colonel Osmundo Dupagan Salibo, Provincial Director ng BPPO.
Katuwang din sa nasabing programa ang Philippine Dental Association Bohol Chapter sa pangunguna ni Dr. Shiela Yana Mantilla, Armed Forces of the Philippines, Police Savings and Loan Association, Inc. (AFPSLAI) Bohol Branch at ng Tubigon Municipal Police Station.
Ayon kay Police Lieutenant Colonel Berondo, layunin ng aktibidad ay ang mahandugan ng tulong ang kanilang mga kababayan lalo na ang mahigit sa 145 na mga bata na nabigyan ng mga bagong tsinelas at tinapay, ice cream, dental kits, dental fluoride at mga school supplies.
Sa naturang aktibidad, binigyang aliw rin ng PNP Mascot at PNP Beatbox King PCpl Aldrin Palanca para sa mga bata.
Lubos naman ang tuwa at pasasalamat ng mga bata at kanilang mga magulang sa natanggap na biyaya mula sa mga kawani ng Bohol PPO.
Ang naging hakbangin ng Bohol PPO ay nagpapatunay na ang Pambansang Pulisya ay palaging nakahanda na tumulong sa mamamayan at magbigay ng tunay at tapat na serbisyo upang maipadama at malasakit at pagmamahal ng kapulisan.
###
Panulat ni Patrolman Carl Philip L Galido
