Loon, Bohol – Matagumpay na isinagawa ng mga tauhan ng Tourist Police Unit ang Coastal Clean-up Drive sa Barangay Talisay, Cabilao Island, Loon, Bohol nito lamang ika-20 ng Agosto 2022.
Ang aktibidad ay pinangunahan nina PSSg Simbajon, MRU at PCpl Abejo, JRT katuwang ang RMFB 7, Cabilao Youths Brotherhood at Sangguniang Kabataan ng lugar.
Layunin ng aktibidad na maprotektahan at mapangalagaan ang karagatan sa mga basura na sumisira sa ganda nito.
Hinihimok naman ng grupo ang mamamayan na maging disiplinado at maging maingat sa pagtatapon ng mga basura at patuloy na makiisa sa mga aktibidad ng pamahalaan na naglalayong maprotektahan at mapangalagaan ang kalikasan upang maibalik at mapanatili ang ganda ng ating likas na yaman.
###
Panulat ni Patrolman Carl Philip L Galido
