Camp Bagong Diwa, Taguig City — Binigyan ng NCRPO ng pagkakataong mabigyan ng dagdag na kita ang ilang working students at Civilian Volunteers sa pamamagitan ng paglilinis sa loob ng kampo nito lamang Lunes, Agosto 22, 2022.
Ito ay alinsunod sa direktiba ni Acting Regional Director, NCRPO PBGen Jonnel Estomo na isulong ang kalinisan sa Metro Manila kaya binuksan niya ang Camp Bagong Diwa sa mga working students at walang trabahong civilian volunteers upang mabigyan sila ng pagkakataong magkaroon ng karagdagang kita at magkaroon ng pang araw-araw na gastusin hindi lamang ng kanilang pag-aaral kundi pati sa kanilang mga pamilya.
Higit sa 22 katao ang naimbitahan na makibahagi sa clean-up drive na may temang “Oplan Linis sa Kampo” katuwang ang mga tauhan ng RHSU.
Sama-samang nilinis ng mga kalahok ang kampo kasabay ng pagtatabas ng damo, pagsesegregated ng mga basura, at pagtatanim ng mga halaman.
“Ako mismo ay naniniwala na ang isang malinis at malusog na kapaligiran at lugar ng trabaho ay nagtataguyod ng pagiging produktibo, kahusayan at pagiging positibo. Kaya nais kong simulan ito mula sa tahanan ng Metro Cops – NCRPO upang magbigay ng inspirasyon sa iba pang mga yunit na gawin din ito. Ang proyektong ito ay patuloy na isasagawa tuwing katapusan ng linggo upang mapanatili hindi lamang ang kalinisan ng paligid kundi maging ang pinagmumulan ng kabuhayan ng mga mag-aaral at mga walang trabahong benepisyaryo,” ani PBGen Estomo.
Source: PIO NCRPO
###
Panulat ni PSSg Remelin M Gargantos
