Hungduan, Ifugao – Nakiisa ang Hungduan PNP sa isinagawang Brigada Eskwela 2022 sa Lubo-ong Elementary School, Lubo-ong, Hungduan, Ifugao nito lamang Agosto 20, 2022.
Ang aktibidad ay pinangunahan ng mga tauhan ng Hungduan Municipal Police Station sa ilalim ng liderato ni Police Lieutenant Dennis Binwag, Officer-In-Charge, katuwang ang mga tauhan ng Bureau of Fire Protection, mga magulang at guro.
Dito ay sama-sama at tulong-tulong na nagbuhat ang mga nasabing grupo ng mga hollow blocks at semento na gagamitin sa pagsasaayos ng paaralan upang mapaganda, maging komportable at ligtas ang mga estudyante sa nalalapit na pagbubukas ng face to face classes.
Samantala, patuloy ang Hungduan PNP sa pagtulong anumang oras, kaisa sa mga gawain na makakatulong sa pag-unlad ng komunidad.
Source: Hungduan Municipal Police Station
###
