San Mateo, Rizal – Tinatayang Php374,680 halaga ng shabu ang nasabat sa tatlong suspek sa buy- bust operation ng San Mateo PNP nitong Biyernes, Agosto 19, 2022.
Kinilala ni Police Colonel Dominic Baccay, Provincial Director, Rizal Police Provincial Office, ang mga suspek na sina Jessa Chica y Labong, alyas “Isak”, 23, residente ng 4-18 Area 3C, Sta Cecilia Street, Brgy. Maly, San Mateo, Rizal; Elvis Maragrag y Romance, alyas “Elvis”, 37, residente ng Block 7 Lot 10, Area C, Sta Cecilia St, Brgy. Maly, San Mateo, Rizal; at Christian Esmale y Torres, alyas “Itchan”, 29, residente ng #317 Area 4A, Sta Cecilia St, Brgy. Maly, San Mateo, Rizal.
Ayon kay PCol Baccay, bandang 12:41 ng umaga naaresto ang mga suspek sa #4-18 Area 3C, Sta. Cecilia Street, Brgy. Maly, San Mateo, Rizal ng mga operatiba ng San Mateo Municipal Police Station.
Nakumpiska sa mga suspek ang 12 pirasong heat-sealed transparent plastic sachets ng hinihinalang shabu na may timbing na 50.1 gramo at tinatayang nagkakahalaga ng Php374,680, isang pulang pouch, isang pirasong Php500 bill na ginamit bilang buy-bust money at anim na pirasong Php100 bill.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang tagumpay ng Rizal PNP ay nagpapakita lamang na lalo pang paiigtingin ang kampanya sa ilegal na droga at iba pang krimen para manatiling ligtas at maayos ang komunidad.
Source: Rizal Police Provincial Office
###
Police Executive Master Sergeant Joe Peter Cabugon
