Agusan del Sur – Arestado ang isang miyembro ng Communist Terrorist Group (CTG) na nakatala bilang Top 1 CTG Priority Target sa kasong Statutory Rape sa isinagawang operasyon ng Caraga PNP nito lamang Martes, Agosto 16, 2022.
Kinilala ni Police Brigadier General Romeo Caramat Jr, Regional Director ng Police Regional Office 13, ang dating miyembro ng Militia ng Bayan sa ilalim ng Weakened Guerilla Front 34 na si Jayson Ayala, 27, residente ng Sitio Kabuga, Sta Theresa, Loreto, Agusan del Sur.
Ayon kay PBGen Caramat, bandang 8:40 ng gabi nang naaresto si Ayala sa P-5, Brgy Awa, Prosperidad, Agusan del Sur ng mga tauhan ng Regional Mobile Force Battalion 13, Regional Intelligence Unit 13 at Loreto Municipal Police Station.
Ayon pa kay PBGen Caramat, naaresto si Ayala sa bisa ng Warrant of Arrest sa kasong Statutory Rape sa ilalim ng Criminal Case No.11563 na walang nirekomendang piyansa.
Patuloy ang PNP sa pag-aresto sa may mga pananagutan sa batas upang mabigyang hustisya ang biktima at mapangalagaan ang komunidad.
###
Panulat ni Patrolman Jhunel Cadapan/RPCADU13
