Los Baños, Laguna – Boluntaryong sumuko ang pitong miyembro ng Communist Terrorist Group sa Camp Macario Sakay, Los Baños, Laguna bandang 3:00 ng hapon nito lamang Miyerkules, Agosto 17, 2022.
Ang pagsuko ay pinangunahan ni Police Major General Rhoderick Armamento, Acting Commander, Area Police Command Southern Luzon, katuwang sina Police Colonel Ledon Monte, Force Commander; Police Lieutenant Maria Ailyn Franca, Team Leader-Curao; Police Captain Axcel Sta. Clara, Chief F2 at Captain John Carlo Pascual, Commanding Officer, 402nd Army Materiel Command.
Kinilala ni PMGen Armamento ang mga boluntaryong sumuko na sina alyas Allan, miyembro ng Platoon Silangan, Guerilla Font Euardo Dagli at Samma Taal; alyas Romie, miyembro ng SPL Talisay, Presidente ng Samma Saka (Samahan ng Magsasaka sa Kamantige); alyas Ciso , miyembro ng SPL Talisay at Samma Saka (Samahan ng Magsasaka sa Kamantige); alyas Bautista/Erick, Adjutant, PLTN 1 SDG; alyas Remark, PLTN YGM; Calzado Gurango alyas Aaron/Ailyn/Jolly, P4, PLTN YGM; at alyas Nanay Pacing, Board of Director, Samahan ng Maralita sa Sitio Kabute (SMSK) at pawang mga miyembro ng Southern Tagalog Regional Party Committee, Sub-Regional Military Area na nag-ooperate sa CALABARZON.
Ang mga sumuko ay binigyan ng paunang tulong na mga food packs at financial assistance mula sa Regional Mobile Force Battalion 4A habang inihahanda ang mga kaukulang dokumento para isailalim sa programa ng gobyerno na Enhanced Comprehensive Local Integration Program o E-CLIP.
###
Panulat ni Police Executive Master Sergeant Joe Peter Cabugon
