Nagsagawa ng First Responder Training ang Pangasinan Provincial Disaster Risk Reduction Management Office para sa mga guro at school staff ng Benigno Aldana National High School sa Pozorrubio, Pangasinan nito lamang Martes, ika-16 ng Agosto 2022.
Kabilang sa naturang training ang pagsasanay ng basic knot tying, first aid bandaging, at pagpapakita ng tamang paggamit ng life vest gamit ang recycled bottles sa paghahanda sa nalalapit na pasukan na may temang “Tugon sa Hamon ng Ligtas na Balik-Aral.”
Hangad ng Pangasinan PDRRMO ang pakikiisa ng komunidad ay nakatutulong para makamtan ang mas ligtas at aktibong pamayanan.
Ang ganitong aktibidad ay patunay lamang na ang iba’t ibang sangay ng pamahalaan ay palaging maaasahan at nakahandang maghatid ng serbisyo para sa mabilis at maayos na pagtugon sa mga mamamayan.
Source: Pangasinan PDRRMO
###
