Buli, Muntinlupa City — Aktibong nilahukan ng mga tauhan ng Muntinlupa City Police Station at Regional Police Community Affairs and Development Unit ng NCR ang isinagawang Brigada Eskwela sa Buli Elementary School, Brgy. Buli, Muntinlupa City bandang 8:00 nitong Miyerkules, ika-18 ng Agosto 2022.
Pinangunahan ito ni Police Colonel Angel L Garcillano, Chief of Police ng nasabing istasyon at Police Lieutenant Colonel Kathleen Lumbag ng RPCADU-NCR.
Ang mga lumahok sa naturang aktibidad ay nagwalis, nagbunot ng mga damo at naglinis ng mga kagamitan sa paaralan.
Nagkaroon din ng orientation para sa mga magulang sa mga dapat gawin ng kanilang mga anak sa pag-uumpisa ng face to face class.
Samantala, ang mga taga- RPCADU NCR naman ay nagpakitang gilas sa kanilang pagsayaw upang bigyang sigla ang mga tumulong sa nasabing aktibidad.
Hindi maitatanggi na ang diwa ng Barangayanihan at Volunteerism sa pagitan ng PNP at ng komunidad ay sadyang katangian ng bawat Pinoy na siyang sandigan at buhay na tradisyon sa bansa.
###
Panulat ni PSSg Remelin Gargantos
