Maharlika, Taguig City — Nagsagawa ng Soap making at Handwashing seminar ang Regional Mobile Force Battalion ng NCRPO na ginanap sa Maharlika Integrated School, Bicutan, Taguig City nito lamang Sabado, Agosto 20, 2022.
Ang aktibidad ay pinangunahan ng mga tauhan ng RMFB sa pangunguna ni Police Colonel Jonathan Calixto, Force Commander; at Police Major Edgardo Tigbao, Chief BCAS kasama ang F9 Chief Clerk na si PEMS Nelia Lucina.
Naisakatuparan ang nasabing programa sa pakikipag-tulungan ng Rotary Club ng Makati Poblacion sa pangunguna ni Dr. Morena “Mong” Cañizares, Chapter President RC District 380, Atty. Vicente Rafael Rosales, President Elect, Makati Poblacion at iba pang mga personalidad.
Tinalakay sa naturang livelihood program ang paggawa ng liquid soap kung saan ang mga kalahok ay aktibong nakiisa sa aktibidad. Sila’y gumawa ng sarili nilang liquid soap sa pamamagitan lamang ng pagsunod sa proseso.
Laking tuwa at labis ang pasasalamat ng mga kalahok sa kabuhayang natutunan nila na maaari nilang magamit upang madagdagan ang kanilang kita sa pang araw-araw.
Source: RMFB NCRPO
###
Panulat ni PSSg Remelin M Gargantos
