Nabiyayaan ang 662 residente ng Barangay Dipusu, San Mariano, Isabela sa isinagawang Localized Duterte Legacy: BARANGAYanihan Caravan Towards National Recovery kahapon noong Nobyembre 8.
Naging parte ng aktibidad ang Project AKLAT; blood pressure check-up; feeding program; tree planting; clean-up drive; libreng gupit at pamamahagi ng grocery items.
Nagkaroon din ng pagtuturo tungkol sa Executive Order No. 70 o National Task Force to End Local Armed Communist Conflict (NTF-ELCAC) na naglalayong paigtingin ang pagtutulungan ng bawat ahensya ng pamahalaan upang iparating ang serbisyo ng pamahalaan sa mga liblib na lugar at maiiwas ang mga mamamayan sa panlilinlang ng CTGs.
Katuwang ng Isabela Police Provincial Office sa pangunguna ni PMaj Joel B Dulin, Officer In-Charge ng Provincial Community Affairs and Development Unit, ang San Mariano Police Station, Isabela Officers Ladies Club, 95th Infantry (Salaknib) Battalion, Lokal na Pamahalaan ng San Mariano, Municipal Health Office, Department of Education, Philippine Statistics Authority-San Mariano, opisyales ng barangay at mga miyembro ng National Coalition of Lingkod Bayan Advocacy Support Group and Force Multipliers (KKDAT and LGBT Group).
Umabot sa Php2,155,500 ang halaga ng mga ipinamahagi sa mga residente na nagmula sa iba’t ibang ahensya ng pamahalaan.
Source: Isabela Police Provincial Office
####
Panulat ni: Police Corporal Carla Mae P Canapi
