Lamitan City – Nakilahok ang Philippine National Police sa isinagawang Tree Planting Activity ng Sangguniang Kabataan ng Brgy. Malinis, Lamitan City Basilan nito lamang ika-20 ng Agosto 2022.
Ayon kay Police Lieutenant Colonel Tadzhabel Managola, Chief of Police ng Lamitan City Police Station, ang naturang aktibidad ay pinangunahan ni SK Chairman Roderick Roy Cuevas, kaugnay ng selebrasyon sa Linggo ng Kabataan 2022 na may temang “Intergenerational Solidarity: Creating a World for All Ages”.
Bukod sa tree planting ay nagsagawa din sila ng road clearing at feeding program.
Katuwang naman sa aktibidad ang mga tauhan ng Lamitan CPS, 3rd Regional Mobile Force Company, RMFB BASULTA, 53rd Special Action Company, SAF, Zeta Phi Omega, Tau Gamma Phi at Barangay Malinis Peacekeeping Team.
Ang ganitong klase ng aktibidad ay isang paraan upang mas mapagtibay ang samahan ng bawat isa sa ating komunidad.
Samantala, hinihikayat ng PNP ang mga mamamayan na makaiisa at makilahok sa mga ganitong uri ng programa upang mapanatili natin ang kagandahan ng ating kalikasan.
###
Panulat ni Patrolman Charlie Nasroden Corpuz
