NAIA, Pasay City – Tinatayang Php144,262,000 halaga ng shabu ang nakumpiska sa isang drug mule sa isinagawang anti-illegal operation ng PNP AVSEGROUP nito lamang Sabado, Agosto 20, 2022.
Kinilala ni Police Colonel Anthony Aberin, Acting Director ng PNP AVSEGROUP, ang suspek na si Mark Wienand, lalaki, single, 60, ipinanganak noong Hulyo 7, 1962, South African National, residente ng 15 South Beach Ave., Durban, South Africa, at may passport no. A09970073.
Ayon kay PCol Aberin, bandang 2:30 ng umaga nang naaresto ang suspek sa Arrival Area ng NAIA Terminal 3, Pasay City sa pinagsanib na puwersa ng AVSEU-NCR, mga miyembro ng Intel Operatives ng NAIA-IADITG at PDEA na pinangunahan ni Police Major Roberto M Papa.
Ayon pa kay PCol Aberin, narekober mula sa suspek ang nasa humigit kumulang 21,215 gramo ng white crystalline substance na hinihinalang shabu na may tinatayang halaga na Php144,262,000 milyon na nakatago sa loob ng dalawang hard case luggages labelled power up, walong improvised duct tape, isang unit ng samsung android phone, isang wallet, isang identification card, isang passport, baggage declaration, isang vaccination card, dalawang boarding pass, at walong improvised plastic pouch na nakabalot sa duct tape na naglalaman ng white crystalline substance na hinihinalang shabu.
Nahaharap ang suspek sa kasong paglabag sa Section 5, 26 at 11 ng Article II Republic Act 9165 o Comprehensive Dangerous Drugs Act of 2002.
Patuloy ang ginagawang operasyon ng PNP para tuluyang mahuli ang mga nagbebenta at gumagamit ng ilegal na droga at maging malaya ang bansa sa ipinagbabawal na gamot na sumisira sa kinabukasan ng mamamayan lalo na ang mga kabataan.
Source: AVSEU NCR
###
Panulat ni PSMS Marisol A Bonifacio
