Zamboanga del Sur – Arestado ang Top 4 at Top 5 Most Wanted Person (Municipal Level) sa kasong 4 Counts of Murder sa isinagawang Manhunt Charlie Operation ng mga awtoridad nito lamang Agosto 19, 2022.
Kinilala ni Police Colonel John Francis Encinareal, Regional Chief ng Criminal Investigation and Detection Group-Mindanao Field Unit, ang dalawang suspek na sina Mario Zamora Ramos, 30, binata at si Daniel Zamora Ramos, 29, binata at pawang residente ng Purok 3, Brgy. Tulbong, Midsalip, Zamboanga del Sur.
Ayon kay PCol Encinareal, bandang 5:00 ng umaga nang naaresto ang dalawang suspek sa naturang lugar ng mga operatiba ng Criminal Investigation and Detection Group-Provincial Field Unit at Midsalip Municipal Police Station sa bisa ng Warrant of Arrest sa kasong (4) Counts of Murder sa ilalim ng Criminal Case No. 22-10-2011 hanggang 22-10-2014 at walang inirekomendang piyansa.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
