Magsingal, Ilocos Sur – Arestado ng Magsingal PNP ang Top 1 Most Wanted Person (Municipal Level) na may kasong Rape nitong Miyerkules, ika-17 ng Agosto, 2022.
Kinilala ni PLt Rodel R Ragasa, Officer-In-Charge ng Magsingal Police Station, ang suspek na si Virgilio Tagupay Arieta, 47, at residente sa Brgy. Namalpalan, Magsingal, Ilocos Sur.
Ayon kay PLt Ragasa, naaresto ang suspek bandang 10:30 ng umaga sa Brgy. San Julian, Magsingal, Ilocos Sur ng mga operatiba ng Magsingal Police Station katuwang ang Regional Intelligence Division 1.
Ayon pa kay PLt Ragasa, naaresto ang suspek sa bisa ng Warrant of Arrest sa kasong Rape (RPC art. 266-A) at walang rekomendadong piyansa.
Ang Magsingal PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
Source: Magsingal Municipal Police Station
###
Panulat ni Patrolman Dennis P Carinal
