Binangonan, Rizal – Tinatayang Php105,400 na halaga ng shabu ang nakumpiska sa dalawang suspek sa isinagawang buy-bust operation ng Binangonan PNP nito lamang Miyerkules, Agosto 17, 2022.
Kinilala ni Police Lieutenant Colonel Vicente Gil Palma, Officer-In-Charge, Binangonan Municipal Police Station, ang dalawang suspek na sina Jovito Ranis Jr y Eyey, 42, residente ng Block 15, Lot 5, Sitio St. Niño, Brgy. Bilibiran, Binangonan, Rizal at Fernando Lacambra y Salvatiera, 52, residente ng Block 5, Felix Ville, Sitio, Sto. Niño, Brgy. Bilibiran, Binangonan, Rizal.
Ayon kay PLtCol Palma, bandang 4:30 ng hapon naaresto ang dalawang suspek sa Felix Ville Sitio sa Sto. Niño, Brgy. Bilibiran, Binangonan, Rizal ng mga operatiba ng Binangonan MPS.
Nakumpiska sa dalawang suspek ang tatlong pirasong heat-sealed plastic sachets na naglalaman ng hinihinalang shabu na tumitimbang ng 15.5 gramo at tinatayang nagkakahalaga ng Php105,400, isang pirasong Php1,000 bill na ginamit bilang buy-bust money, isang green coin purse, at limang pirasong Php100 bill na ginamit naman bilang drug money.
Nahaharap ang dalawang suspek sa kasong paglabag sa Section 5 at 11 ng Republic Act 9165 o Comprehensive Dangerous Drugs Act of 2002.
Ang PNP ay hindi titigil sa pagsugpo ng ilegal na droga at iba pang krimen upang mapanatiling ligtas at maayos ang mamamayan at komunidad.
Source: Binangonan Municipal Police Station
###
Panulat ni Police Executiveaster Sergeant Joe Peter Cabugon
