Lanao Del Sur – Sumuko ang tatlong miyembro ng Maute Group sa operasyon ng PNP sa Brgy. Palao, Ranao Ranao, Marantak, Lanao Del Sur nitong madaling araw ng Martes, Agosto 16, 2022.
Kinilala ni Police Brigadier General Ronald O Lee, Acting Director ng PNP Criminal Investigation and Detection Group, ang mga suspek na sina Mastura D Disomala, 43; Samen M Mamasao, 23; at Moca A Giambal, 25 ng Brgy. Palao Ranao Ranao, Marantak, Lanao Del Sur.
Ayon kay PBGen Lee, ang mga suspek ay nasakote sa nabanggit na lugar ng mga operatiba ng PNP Criminal Investigation and Detection Group, Lanao Del Sur, PFU, local police units, at Philippine Army.
Nakumpiska mula sa mga suspek ang isang M16 caliber 5.56 na may scope (AFP Property), isang M16 Colt caliber 5.56, isang M14 rifle, isang Ingram caliber 9mm, isang Colt Officers ACP caliber .45, isang hand grenade, isang caliber 5.56 rifle magazine na may 20 rounds na bala, isang caliber 7.56 rifle magazine na may 29 rounds na bala, isang caliber 9mm magazine na may 13 rounds na bala at isang caliber .45 magazine na may 7 rounds na bala.
Mahaharap ang mga suspek sa kasong paglabag sa RA 10591 o Comprehensive Firearms and Ammunition Regulation Act.
Patuloy ang kampanya ng PNP laban sa kampanya ng gobyerno sa programang The National Task Force to End Local Communist Armed Conflict at sinusuportahan ito ng Lanao Del Sur PNP at Philippine Army sa ating komunidad upang sa gayon ay mabigyan sila ng bagong pag-asa na mamuhay na kasama nila ang kanilang mga pamilya at magkaroon ng bagong buhay.
Source: PNP CIDG
###
Panulat ni PSMS Marisol A Bonifacio
