Davao del Norte – Arestado ang isang lalaki sa isinagawang buy-bust operation ng tauhan ng PNP at PDEA sa Purok Boongon, Brgy. Cagangohan, Panabo City, Davao del Norte, Agosto 16, 2022.
Kinilala ni PMaj Adelon Caacbay, Acting Chief of Police ng Panabo City Police Station, ang suspek na si alyas “Bryan”, 28, residente ng Purok 11, Brgy. San Vicente, Panabo City na tinaguriang Top 5 HVI sa Regional level.
Ayon kay PMaj Caacbay, naaresto ang suspek ng pinagsamang tauhan ng Panabo CPS at Regional Police Drug Enforcement Unit 11 katuwang ang 2nd Davao Norte Provincial Mobile Force Company at PDEA Davao del Norte.
Dagdag pa ni PMaj Caacbay, nakuha mula sa suspek ang ilang pakete ng hinihinalang shabu na may bigat na humigit kumulang apat gramo na may street market value na Php27,200 at isang .38 caliber revolver na baril na may kasamang tatlong bala at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and Ammunition Regulation Act.
Pinuri naman ni PBGen Benjamin Silo Jr., PRO11 Regional Director ang nasabing operasyon dahil sa matagumpay na pagkakadakip sa HVI sa lungsod na maglalapit sa kanilang layunin na gawing drug-free ang rehiyong onse.
###
Panulat ni Patrolman Alfred Vergara
