New Lower Bicutan, Taguig City — Nagsagawa ng Community Outreach Program ang 7th Mobile Force Company ng RMFB- NCRPO sa Ranger St. Corner Meralco Ave. St. sa loob ng base ng Philippine Coast Guard, Barangay New Lower Bicutan, Taguig City nito lamang Miyerkules, Agosto 17, 2022.
Naisakatuparan ang aktibidad sa pamamagitan ng Community Affairs Section sa pangunguna ni PEMS Melanio Tumitit A Jr, CESPO at Company Commander, Police Major Allan P Hernandez, at sa gabay ni Police Colonel Jonathan G Calixto, Force Commander ng RMFB, NCRPO.
Nakiisa din sa programa ang mga miyembro ng The Fraternal Orders of Eagles at Taguig Defenders Eagles Club ng National Capital Region.
Nagkaroon ng Feeding Program, pagbibigay ng preloved na damit (Mobile Ukay-ukay) at pamamahagi ng hygiene kits sa mga biktima ng sunog sa lugar.
Layunin ng PNP na mag-abot ng tulong sa mga mahihirap nating kababayan upang maging matibay ang ugnayan ng kapulisan sa komunidad para sa maunlad na kinabukasan ng bawat isa.
Source: RMFB NCRPO
###
Panulat ni PSSg Remelin M Gargantos
