Fort Bonifacio, Taguig City — Nakiisa ang mga tauhan ng Southern Police District sa isinagawang Brigada Eskwela 2022 sa Gat Andres Bonifacio Elementary School, Fort Bonifacio, Taguig City bandang 9:00 ng umaga nito lamang Huwebes, Agosto 18, 2022.
Ang aktibidad ay alinsunod sa directiba ni Acting Regional Director, PBGen Jonnel C Estomo na tiyakin ang kapayapaan, kaayusan, at kaligtasan ng publiko sa pag-uumpisa ng klase nitong darating na Agosto 22, 2022.
Ang naturang aktibidad ay may temang, “Brigada Eskwela: Tugon sa Hamon ng Ligtas na Balik Aral”.
Nakipagtulungan rin ang One Meralco Foundation, Meralco South Sector sa pangunguna ni G. Anson Tarce kasama ang RPCADU-NCR sa pangunguna ni Police Major Maritess Arandanas at mga guro ng Gat Andres Bonifacio Elementary School sa pamumuno ni G. Felix B Alivar, School Principal.
Ang magkaroon ng isang secure at conducive learning environment ay nakapaghahatid ng kalidad ng edukasyon para sa mga estudyante.
Sa pakikipagkaiisa ng mga guro, magulang at mga mag-aaral sa pagkukumpuni sa ilang gamit sa silid-aralan at paglilinis, kanilang matatamasa ang masaya at kaaya-ayang face to face classes.
Dagdag pa rito, nagsagawa ng assessment ang mga tauhan mula sa MERALCO sa mga electrical facilities/wirings sa mga electrical facilities/wirings sa paaralan.
Nagpaabot naman ng pasasalamat ang mga guro at estudyante sa mga tauhan ng PNP sa patuloy na suporta at tulong na ipinaabot sa paaralan.
Kaugnay nito, ang aktibidad na ito ay isa ring paraan ng pagpapalakas ng partnership at engagement sa komunidad.
Source: Dcadd Spd
###
Panulat ni PSSg Remelin M Gargantos
