Valenzuela City — Umabot sa Php1,122,000 halaga ng shabu ang nakumpiskasa anim na suspek sa dalawang magkahiwalay na buy-bust operation sa Caloocan at Valenzuela City nito lamang Huwebes, ika-18 ng Agosto 2022.
Kinilala ni National Capital Region Police Office Acting-Chief, PBGen Jonnel Estomo ang mga naarestong suspek na sina Arjay Borja y Perez alyas “Arjay” (HVI); Abegail Torres y Bagtas alyas “Abby”; Morris Bacod y Espeño alyas “Boss”; Geoffrey Cardinez, Jr. y Brillabrelle; Enrico Rosales Jr. y Julian; at Erwin Manuel y Ramores.
Ayon kay PBGen Estomo, naaresto ang mga suspek bandang 10:30 ng gabi ng Agosto 17 at alas-12:00 ng madaling araw sa kahabaan ng Brgy. 120, Caloocan City at Brgy. Gen. T de Leon, Valenzuela City.
Narekober sa mga suspek ang apat na knot-tied transparent plastic sachet at dalawang small sized transparent plastic sachet na naglalaman ng hinihinalang shabu na tumitimbang ng 165 gramo na nagkakahalaga ng Php1,122,000, isang itim na bag, dalawang cellullar phone at mga ginamit na buy-bust money.
Samantala, mahaharap sa paglabag sa Sec. 5, 26 at Seksyon 11 ng Art. II ng RA 9165 o Comprehensive Dangerous Drugs Act of 2002, Art. 151 ng RPC o Disobedience of a Person in Authority.
“Patuloy nating huhulihin ang mga nagbebenta at source nitong mga ilegal na droga para tuluyan ng mapuksa ang droga sa ating rehiyon,” sabi ni PBGen Estomo.
Dagdag pa niya, “Habang pinalalakas ng Team NCRPO ang laban nito laban sa paglaganap ng ilegal na droga sa Metro, ipinagmamalaki namin ang patuloy na tagumpay sa pag-aresto sa mga sangkot at pagkumpiska sa napakaraming ilegal na droga.”
Source: PIO NCRPO
###
Panulat ni PSSg Remelin Gargantos
