Siaton, Negros Oriental – Nagsagawa ng Community Outreach Program ang mga tauhan ng 1st Provincial Mobile Force Company sa mga residente ng Brgy. Napacao Gymnasium, Siaton Negros Oriental nito lamang Ika-16 ng Agosto 2022.
Ang aktibidad ay matagumpay na isinagawa sa pangunguna ni Police Lieutenant Colonel Stephen Bullecer Daang, Force Commander ng 1st PMFC at mga tauhan nito katuwang si Barangay Kagawad Romeo E Amar.
Ang naturang grupo ay nagsagawa ng Dental Mission at nagbigay ng mga relief goods, facemasks, candies, biscuits, at libreng gupit para sa mga residente ng nasabing lugar.
Ang nasabing aktibidad ay isinasagawa bilang suporta sa EO 70 ng “National Task Force to End Local Communist Armed Conflict” (NTF-ELCAC) program ng pamahalaan.
Namumutawi sa mga mukha ng mga residente ang kagalakan dahil sa pagmamahal at pagpapahalaga na inihandog at ipinaramdam sa kanila ng mga kapulisan ng Negros Oriental upang sila ay handugan ng mga serbisyong tapat at may puso.
Layunin ng 1st PMFC ng Negros Oriental na ipaabot ang pagmamahal at mga pangunahing serbisyo sa mga residente na kanilang nasasakupan at isulong ang matibay na samahan sa pagitan ng PNP at komunidad.
###
Panulat ni Patrolwoman Jenilyn C Consul
