Aringay, La Union – Boluntaryong sumuko sa pulisya ang isang dating miyembro ng Teroristang Grupo sa Aringay, La Union nito lamang Lunes, Agosto 15, 2022.
Kinilala ni PMaj Romel D Centeno, Hepe ng Aringay Municipal Police Station, ang sumuko na si Cris Rendon y Cabero, 66, residente ng Brgy. Santiago, Bauang, La Union, Vice Chairman ng Timek Pamalakaya-La Union Chapter.
Boluntaryong sumuko si Cabero, sa mga tauhan ng Aringay Municipal Police Station katuwang ang La Union Provincial Intelligence Unit, Bauang Municipal Police Station, Regional Intelligence Unit 1, Regional Intelligence Division PRO1, Regional Mobile Force Battalion 1.
Ang pagsuko sa gobyerno ng dating rebelde ay patunay lamang na ang Aringay PNP ay patuloy sa pagpupursigi na maaresto ang mga may pananagutan sa batas, lalung-lalo na ang mga rebeldeng patuloy na pinapairal ang baluktot na ideolohiya na pabagsakin ang gobyerno at sumisira ng kapayapaan ng komunidad.
###
