Cabangan, Zambales – Namahagi ng libreng school supplies ang Cabangan PNP sa Cadmang-Reserva Elementary School, Cabangan, Zambales nito lamang Lunes, Agosto 15, 2022.
Ang naturang aktibidad ay pinangunahan ni Police Lieutenant Anthony Soria, Officer-In-Charge ng Cabangan Municipal Police Station sa ilalim ng pamumuno ni Police Colonel Fitz Macariola, Provincial Director ng Zambales Police Provincial Office.
Tinatayang 200 na bata ang nahandugan ng libreng school supplies na naglalaman ng lapis, papel, gunting, crayons, kuwaderno at iba pa.
Ayon kay PLt Soria, labis ang tuwa at pasasalamat ng mga bata sa natanggap na school supplies galing sa PNP na magagamit sa nalalapit na pasukan.
Ang Pambansang Pulisya ay patuloy sa pagbibigay ng magandang serbisyo sa mga mamamayan para mas mapagtibay ang ugnayan ng PNP at komunidad.
Source: Cabangan Municipal Police Station
###
Panulat ni Police Corporal Jeselle Rivera
