Camp Delgado, Iloilo City – Pinangunahan ni Police Lieutenant General Rhodel O Sermonia, Commander ng Area Police Command-Visayas ang Turn-over of Command para sa bagong Regional Director ng Police Regional Office 6 nitong ika-15 ng Agosto 2022 sa Camp Gen Martin Teofilo B Delgado, Fort San Pedro, Iloilo City.
Pormal na itinalaga bilang bagong Regional Director si Police Brigadier General Leo M Francisco sa Police Regional Office 6 bilang kapalit ni outgoing Regional Director na si PBGen Flynn E Dongbo na itinalaga naman bilang bagong Deputy Director ng Directorate for Logistics.
Si PBGen Francisco ay nanungkulan bilang District Director ng Manila Police District bago siya nailipat sa Police Regional Office 6.
Samantala, pinuri naman ni PLtGen Sermonia si PBGen Dongbo, outgoing RD sa matagumpay na pagpapanatili ng kapayapaan at kaayusan sa buong rehiyon at sa mga katangi-tangi nitong operational accomplishments habang hinimok naman ang lahat ng mga tauhan sa PRO 6 na ipagpatuloy ang mga nasimulan sa ilalim ng bagong liderato.
Aniya, magkaisa ang lahat para sa pagpapaigting ng iba’t ibang programa ng Pambansang Pulisya para sa kaligtasan ng lahat ng mga taga Western Visayas.
###
