Eastern Samar – Binisita at binigyan ng tulong ng mga miyembro ng PSBRC Class Masigasig 2017-01 na nakatalaga sa 1st Eastern Samar Provincial Mobile Force Company ang isang babaeng may sakit na Lupus sa Brgy. 15, Dolores, Eastern Samar nito lamang Martes, Agosto 16, 2022.
Ang aktibidad ay kaugnay sa ikalimang anibersaryo ng PSBRC Class Masigasig 2017-01 na kanilang ipinagdiwang sa pamamagitan ng community outreach program.
Ang naging benipisyaryo ay si Maria Nizel Anire, 31, may asawa, may apat na anak at nabaldado dahil sa sakit niyang Lupus na na-diagnose noong Enero ngayong taon.
Si Nizel ay nakatanggap ng cash assistance, isang sakong bigas, dalawang tray ng itlog, isang pack ng lampin at iba’t ibang grocery items mula sa nasabing kapulisan.
Tiniyak naman ng Class Masigasig na ipagpapatuloy nila ang kanilang tradisyon na magbigay at magbahagi ng tulong sa mga nangangailangan bilang paraan ng pagdiriwang ng kanilang anibersaryo.
###
Panulat ni Patrolwoman Rialyn B Valdez
