Bacolod City – Nasa mahigit Php1.4 milyong halaga ng shabu ang nakumpiska sa naarestong 21 anyos na lalaki sa buy-bust operation ng pulisya sa Brgy. Singcang-Airport, Bacolod City nito lamang ika-15 ng Agosto 2022.
Kinilala ni Police Major Joery T Puerto, Police Station 8 Commander, Bacolod City Police Office, ang suspek na si Jeboy James Bulaclac Poneles, residente ng Brgy. 2, Bacolod City na isang High Value Individual sa syudad ng Bacolod.
Nahuli ang suspek sa pinagsanib na pwersa ng City Drug Enforcement Unit ng BCPO at Regional Special Operation Group 6.
Ayon kay Police Major Puerto, narekober kay Poneles ang 18 pakete ng pinaniniwalaang shabu na tumitimbang ng 206 gramo na may market value na nagkakahalaga ng Php1,400,800.
Si Poneles ay nahaharap sa kasong paglabag sa R.A. 9165 o Comprehensive Dangerous Drugs Act of 2002.
Ang Bacolod City PNP ay hindi titigil sa pagsasagawa ng ganitong operasyon upang tuluyang masugpo ang mga ilegal na gawain at iba pang uri ng kriminalidad sa kanilang nasasakupan.
###
Panulat ni Patrolman Brent Marx Ngaya-an
