Toledo City, Cebu – Nasa mahigit Php7.4 milyong halaga ng shabu ang nasabat ng Toledo City PNP sa isinagawang buy-bust operation nito lamang Sabado, ika-13 ng Agosto 2022.
Kinilala ni Police Lieutenant Colonel Dennis Castillo De Guzman, Chief of Police ng Toledo City Police Station, ang suspek na si Raffy Chavez Hermona, 35, residente ng CotCot, Brgy. Mabini, Cadiz City, Negros Occidental.
Ayon kay PLtCol De Guzman, naaresto ang suspek bandang 7:00 ng gabi sa Sitio Dap-dap, Brgy. Das, Toledo City, Cebu ng mga operatiba ng Drug Enforcement Unit ng Toledo City Police Station sa pangunguna ni Police Lieutenant Amory Napoles.
Nakuha mula sa suspek ang tinatayang 1.171 kilograms ng hinihinalang shabu na may Standard Drug Price na Php7,484,828, sling bag at buy-bust money.
Nahaharap ang suspek sa kasong paglabag sa Section 5 at 11, Article II ng Republic Act No. 9165 o ang Comprehensive Dangerous Drugs Act of 2002.
Tinitiyak ng Toledo City PNP na kanilang mas pagbubutihin ang pagpapatupad ng batas kontra ilegal na droga at ano mang uri ng kriminalidad upang mapanatili ang isang tahimik, ligtas at mapayapang pamayanan.
###
Panulat ni Patrolman Aivan M Guisadio
