San Mateo, Rizal – Tinatayang Php340,000 halaga ng shabu ang nakumpiska sa limang miyembro ng Randy Domingo Crime Group sa isinagawang buy-bust operation ng Rizal PNP nito lamang Linggo, Agosto 14, 2022.
Kinilala ni Police Brigadier General Melencio Nartatez Jr., Regional Director, Police Regional Office 4A, ang limang miyembro ng Randy Domingo Crime Group na sina Reden Delas Armas Y Ocampo aka Den-Den, High-Value Individual/Pusher, 34; Armin Diaz Y Aban aka Jong-Jong, drug user, 24; Bernie Doria Y Pasigna aka Bernie, drug user, 31, construction worker, pawang mga residente ng Gravel Pit, Brgy. Guinayang, San Mateo, Rizal; Catherine Niegas Y Perez aka Cathy, pusher, 26; at Benjie Poliquit Y Paule aka Benjie, pusher, 27, pareho namang residente ng No. 13 Lambak, Brgy. Guitnang Bayan II, San Mateo, Rizal.
Ayon kay PBGen Nartatez, bandang 2:00 ng madaling araw naaresto ang limang suspek sa No. 13 Lambak, Brgy. Guitnang Bayan II, San Mateo, Rizal ng pinagsanib na puwersa ng Police Intelligence Unit/Provincial Drug Enforcement Unit ng Rizal Police Provincial Office at Philippine Drug Enforcement Agency 4A.
Narekober mula sa limang suspek ang 15 na pirasong heat-sealed transparent plastic sachets na tumitimbang ng 50 gramo ng hinihinalang shabu na may tinatayang halaga na Php340,000, isang pirasong Php500 bill at tatlong pirasong Php100 bill.
Nahaharap ang limang suspek sa kasong paglabag sa Section 5 at 11, Article II ng Republic Act 9165 o Comprehensive Dangerous Drugs Act of 2002.
Patuloy ang PNP sa pagpapaigting sa kampanya laban sa ilegal na droga at hinihikayat ang mga mamamayan na makiisa sa tuluyang pagsugpo ng talamak na pagbebenta at paggamit ng droga sa komunidad na nakasira sa buhay ng mga mamamayan lalo na ang kinabukasan ng mga kabataan.
Source: Police Regional Office 4A
###
Panulat ni Police Staff Sergeant Donabel Dulin
