Agusan del Sur – Arestado ang Top 5 Most Wanted Person (Provincial Level) sa kasong Murder sa isinagawang Joint Operation ng AgSur PNP nito lamang Sabado, Agosto 13, 2022.
Kinilala ni Police Colonel Jovito Canlapan, Acting Provincial Director ng Agusan del Sur Police Provincial Office, ang nadakip na miyembro ng Militia ng Bayan sa ilalim ng Weakened Guerilla Front 14, Northeastern Mindanao Regional Committee na si alyas “Che/Hapon”, 44, residente ng Purok 9, Bayabas, Brgy. Consuel, Bunawan, ADS.
Ayon kay PCol Canlapan, bandang 5:45 ng hapon nang arestuhin ang suspek sa Purok 9, Bayabas, Brgy. Consuel, Bunawan, Agusan del Sur ng mga tauhan ng Bunawan Municipal Police Station at 2nd Agusan del Sur Provincial Mobile Force Company.
Ayon pa kay PCol Canlapan, naaresto ang suspek sa bisa ng Warrant of Arrest sa kasong Murder na walang nirekomendang piyansa.
Ang PNP ay patuloy sa pagtugis sa mga may pananagutan sa batas upang mabigyan ng hustisya ang mga biktima at mapangalagaan ang komunidad.
###
Panulat ni Patrolman Jhunel Cadapan/RPCADU13
