Davao del Norte – Arestado ang isang lalaki sa isinagawang buy-bust operation ng PNP at PDEA noong Agosto 13, 2022.
Kinilala ni PMaj Rodante Varona, Station Commander ng Santo Tomas Municipal Police Station, ang suspek na si alyas “Carlo”, 22, residente ng Purok 7 Planos, FD. RD. 2, Brgy. Tibal-og, Santo Tomas, Davao del Norte na tinaguriang top 6 drug personality sa Municipal level.
Ayon kay PMaj Varona, naaresto ang suspek sa LogDeck, Barangay San Jose, Santo Tomas, Davao del Norte ng mga operatiba ng Santo Tomas MPS katuwang ang PDEA XI.
Dagdag pa ni PMaj Varona, nakuha mula sa suspek ang ilang piraso ng hinihinalang marijuana na may bigat na humigit kumulang 6.5 gramo na may street market value na Php800 at isang .38 caliber na baril na may apat na bala at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and Ammunition Regulation Act.
Ang pagkakadakip sa suspek ay resulta ng patuloy na pagsisikap ng Police Regional Office 11 sa kanilang layunin na gawing drug-free ang rehiyong onse sa pamumuno ni PBGen Benjamin Silo Jr., PRO11 Regional Director.
###
Panulat ni Patrolman Alfred Vergara
