Indanan, Sulu – Nagsagawa ng Community Engagement Program ang mga tauhan ng Indanan Municipal Police Station sa mga estudyante ng Barangay Poblacion Elementary School sa Indanan, Sulu nito lamang ika-13 ng Agosto 2022.
Ang naturang programa ay isinagawa ng mga tauhan ng Indanan PNP sa pangunguna ni Police Major Edwin Sapa, Chief of Police, katuwang ang Parents and Teachers Association ng nasabing paaralan, Barangay Local Government Unit at Kabalikat Civicom Indanan Chapter.
Ayon Kay PMaj Sapa, nagsimula ang aktibidad bandang alas-9 ng umaga at kabilang dito ang pamamahagi ng school supplies at snacks sa 150 na estudyante ng naturang paaralan.
Lubos naman ang tuwa at pasasalamat ng mga estudyante ng naturang paaralan dahil sa natanggap nilang serbisyo mula sa ating Pambansang Pulisya.
Ang mga ganitong programa ay nagpapakita lamang na ang ating PNP ay patuloy na nagbibigay tulong at serbisyo sa mga mamamayan sa kanilang nasasakupan upang ipadama ang pagmamahal sa kapwa.
###
Panulat ni Patrolman Charlie Nasroden Corpuz
