Laoag City, Ilocos Norte – Arestado ang isang Security Guard ng Department of Public Works and Highways Engineering Office 1 sa ikinasang buy-bust operation ng Ilocos Norte PNP nitong ika-13 ng Agosto, 2022.
Kinilala ni Police Colonel Julius C. Suriben, Provincial Director ng Ilocos Norte Police Provincial Office, ang suspek na si Jason Mamuad y Jovila, 37, residente ng Brgy. 9, San Nicolas, Ilocos Norte.
Ayon kay PCol Suriben, naaresto ang suspek bandang 7:01 ng gabi sa Brgy. 7-B, Laoag City, Ilocos Norte ng pinagsanib na tauhan ng Provincial Intelligence Unit, Police Provincial Drug Enforcement Unit, Laoag City Police Station ng Ilocos Norte Police Provincial Office kasama ang Regional Police Drug Enforcement Unit at Regional Intelligence Division ng Police Regional Office 1.
Nakumpiska mula sa suspek ang isang heat-sealed transparent plastic sachet na naglalaman ng shabu na siyang buy-bust item, limang heat-sealed transparent plastic sachet na naglalaman ng pinaghihinalang shabu, isang Php1000 bill bilang buy-bust money, isang black Yamaha NMAX at mga identification cards.
Ang pagkakaaresto sa suspek ay tanda ng epektibong pagganap ng mga miyembro ng PNP ng kanilang mga tungkulin upang mabigyan ang mga mamamayan ng isang komunidad na malaya sa mga ipinagbabawal na gamot.
Source: Laoag City Police Station
###
Panulat ni PSSg Bader Ceasar Ayco
