Daet, Camarines Norte – Tinatayang Php204,000 halaga ng droga ang nakumpiska sa isang negosyante sa inilunsad na buy-bust operation ng Camarines Norte PNP sa Purok 1, Barangay Magang, Daet, Camarines Norte nito lamang Sabado, Agosto 13, 2022.
Kinilala ni Police Colonel Julius Guadamor, Provincial Director ng Camarines Norte Police Provincial Office ang suspek na si Joferan Baylon y Pineda, 37, negosyante, residente ng Purok 2, Barangay San Francisco, Daet, Camarines Norte at kabilang sa listahan ng Drug Related Data Integration and Generation System (DRDIGS).
Ayon kay PCol Guadamor, naaresto ang suspek bandang 1:30 ng umaga sa Travellers Inn Hotel, Purok 1, Barangay Magang, Daet, Camarines Norte ng pinagsanib na mga operatiba ng Camarines Norte Provincial Intelligence Unit at Daet Municipal Police Station sa pakikipag-ugnayan sa PDEA RO5.
Ayon pa kay PCol Guadamor, nakabili sa suspek ang police poseur buyer ng isang plastic sachet ng shabu na nagkakahalaga ng Php3,500 at sa isinagawang body search ay narekober sa suspek ang pitong drug items.
Sa kabuuan ay nasa 30 na gramo ng hinihinalang shabu ang nakuha sa suspek na nagkakahalaga ng Php204,000.
Mahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Ang PRO5 ay patuloy na maglulunsad ng mga operasyon upang hulihin ang mga taong sangkot sa pagbebenta at paggamit ng ipinagbabawal na droga.
Source: KASUROG Bicol
###
Panulat ni Patrolman Rodel Grecia
