Aglipay, Quirino – Nakiisa ang Quirino PPO sa isinagawang Brigada Eskwela ng Pinaripad National High School sa Barangay Pinaripad Norte, Aglipay, Quirino nito lamang Biyernes, ika-12 ng Agosto 2022.
Pinangunahan ni Mrs. Catherine V Atchuela, School Principal, katuwang ang mga tauhan ng Quirino Police Provincial Office sa pangunguna ni Police Major Rodel C Gervacio, Chief, FJGAD PCO/PIO sa ilalim ng pangangasiwa ni Police Colonel Rommel A Rumbaoa, Provincial Director, at kabilang ang mga guro ng naturang paaralan.
Ang naturang aktibidad ay may temang “Balik Eskwela: Tugon sa Hamon ng Ligtas na Balik-Aral”.
Nagpaabot din ng mga galon galong pintura at materyales ang PNP na siya ring ginamit ng grupo sa pagpipintura ng naturang paaralan.
Layunin ng PNP na mas maging kaaya-aya, malinis at ligtas na paaralan upang masiguro nito ang kahandaan sa pagbabalik ng face-to-face class ng mga mag-aaral.
Source: Quirino PPO
###
Panulat ni Police Corporal Jermae D Javier
