Abucay, Bataan – Nagsagawa ng Community Outreach Program ang Abucay PNP sa Brgy. Bangkal, Abucay, Bataan nito lamang Huwebes, Agosto 11, 2022.
Ito ay pinamunuan ni Police Major Dennis Duran, Chief of Police ng Abucay Municipal Police Station kaakibat ang Abucay Local Government Unit, Barangay Peacekeeping Action Teams, at Golisan Community Information Service Support Group.
Tinatayang 100 na bata ang nabigyan ng libreng toothpaste, toothbrush at pagkain.
Layunin ng naturang aktibidad na magkaroon ng kaalaman ang mga bata sa tamang pag-alaga at pagsipilyo ng ngipin.
Ang Pambansang Pulisya ay patuloy sa pagbibigay ng magandang serbisyo sa mga mamamayan upang mas mapagtibay ang ugnayan ng PNP at komunidad.
Source: Abucay Municipal Police Station
###
Panulat ni Police Corporal Jeselle Rivera
