Peñablanca, Cagayan – Nakiisa ang Cagayan Provincial Highway Patrol Team sa pagsagawa ng Community Outreach Program sa mga kababayan nating katutubong Aeta sa Brgy. Agugaddan, Bayan ng Peñablanca, Cagayan noong ika-10 ng Agosto 2022.
Ang grupo mula sa Highway Patrol ay pinangunahan ni PCpt Rico D. Oñate, Provincial Officer, katuwang ang mga tauhan ng Tuguegarao City Police Station at Peñablanca Municipal Police Station.
Ang grupo ng PNP ay nagsagawa ng feeding program sa pamamagitan ng pamamahagi ng Jollibee food packs sa 20 pamilya na kababayan nating Aeta na lubos na nagbigay sa kanila ng kasiyahan lalo na sa mga bata.
Patunay lamang na ang ating PNP ay handang tumulong sa mumunting paraan para mabahagian, mapasaya at magbigay serbisyo sa ating mga katutubong kababayan.
Source: RPHU2
###
Panulat ni PEMS Alilyn D Wilcox
