Koronadal, South Cotabato – Arestado ang isang High Value Individual matapos ang isinagawang operasyon ng PNP at PDEA sa Brgy. Sta. Cruz, Koronadal City, South Cotabato nito lamang Agosto 10, 2022.
Kinilala ang naarestong suspek na si Rudulph John Louis Lipura y Jocame alias Bochoy, 33, residente ng Carmela Homes, Brgy. Sta. Cruz, Koronadal City, South Cotabato.
Isinagawa ang nasabing operasyon bandang 10:22 ng gabi ng pinagsanib puwersa ng operatiba mula sa PDEA South Cotabato Provincial Office, South Cotabato Provincial Drug Enforcement Unit at Koronadal City Drug Enforcement Unit.
Narekober mula sa suspek ang 12 pakete ng hinihinalang shabu na may tinatatayang timbang na 55 gramo at may tinatayang presyo na Php374,000 kasama ang buy-bust money at isang unit ng motorsiklo na ginamit sa nasabing transaksyon.
Si Lipura ay kasalukuyang nasa custodial facility ng PDEA 12, kung saan napag-alaman na ito ay isang plea bargainer na naaresto na dati ng kapulisan dahil sa paglabag sa kasong RA 9165 o Comprehensive Dangerous Drugs Act of 2002 at muling nahaharap sa magkaparehong kaso.
###
Panulat ni Patrolman Gio Batungbacal
