Cagayan de Oro City – Nasabat ang tinatayang Php1,020,000 halaga ng shabu sa ikinasang buy-bust operation ng Cagayan de Oro PNP sa Habitat, Relocation, Brgy. Indahag, Cagayan de Oro City nito lamang Huwebes, Agosto 11, 2022.
Kinilala ni Police Major Aldren Baculio, Station Commander ng Cagayan de Oro City Police Office-Station 8, ang dalawang suspek na sina Jeffrey Edrote Estaño, 26 at isang menor de edad, pawang mga residente ng Phase 1, Habitat, Relocation, Brgy. Indahag, Cagayan de Oro City.
Ayon kay PMaj Baculio, bandang 2:25 ng hapon naaresto ang dalawang suspek sa naturang lugar ng mga operatiba ng Station Drug Enforcement Team ng Cagayan de Oro City Police Office-Station 8.
Nakumpiska sa dalawang suspek ang tatlong heat-sealed transparent plastic sachets na naglalaman ng hinihinalang shabu na may bigat na 150 gramo na may tinatayang halaga na Php1,020,000, isang pirasong Php1,000 bill at isang pirasong Php500 bill na ginamit bilang buy-bust money, isang unit ng keypad black Samsung cellular phone at isang unit ng honda XRM 125 na may Plate No. KW 3515.
Mahaharap si Estaño sa kasong paglabag sa RA 9165 o Comprehensive Dangerous Drugs Act of 2002, samantala, ang menor de edad ay nasa pangangalaga ng DSWD.
“PNP will not tolerate any use of illegal drugs activity and continuously encourage the community to report any suspected illegal drug personalities in their area,” pahayag ni PMaj Baculio.
###
Panulat ni Patrolman Edwin Baris/RPCADU 10
