Dinagat Islands – Arestado ang isang Top 1 Most Wanted Person (Station Level) sa isinagawang Manhunt Charlie Operation ng Zamboanga PNP, Dinagat Islands PNP at Basilisa PNP sa Sitio Glenn, Brgy. Doña Helene, Basilisa, Dinagat Islands nito lamang Miyerkules, Agosto 10, 2022.
Kinilala ni Police Major Jomar Tagayan, ang suspek na si Jobby Belandres y Castillo, 35, may asawa, residente ng Sitio Glenn, Brgy. Doña Helene, Basilisa, Dinagat Island.
Ayon kay PMaj Tagayan, bandang 8:45 ng gabi nang naaresto ang suspek sa naturang lugar ng mga operatiba ng Zamboanga City Police Office-Station 1, Intelligence Unit ng Dinagat Islands Police Provincial Office at Basilisa Municipal Police Station sa bisa ng Warrant of Arrest sa kasong Rape na may inirekomendang piyansa na Php200,000 sa kada isang kaso.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
