Camp Crame, Quezon City – Opisyal nang nanungkulan ang bagong talagang Director ng Police Community Affairs and Development Group na si Police Colonel Patrick Joseph Allan na dating Deputy Director for Administration ng PNP Logistics Support Service pagkatapos ng turnover ceremony nito sa Hall of the Chiefs, PNP Museum, Camp Crame, Quezon City nito lamang Biyernes, Agosto 12, 2022.
Sa isinagawang programa, ginawaran naman ng PNP ng Medalya ng Paglilingkod ang Outgoing Director ng nasabing Unit na si Police Brigadier General Eric Noble na ngayo’y Incoming Director ng Philippine National Police Academy.
Presiding Officer naman sa naturang seremonya si Police Brigadier General Mario Reyes, Acting Director ng Police Community Relations na dinaluhan naman ng mga Commissioned Officers at Non-Commissioned Officers ng DPCR at PCADG.
Bukod sa pagbibigay ng mensahe ng Incoming at Outgoing Director, nagkaroon din sila ng Handover of Office Symbol and Property Equipment Inventory Book bilang simbolo ng nasabing seremonya.
Sa inaugural speech naman ni PCol Allan, hinihingi niya ang suporta ng kanyang mga tauhan, aniya “Hinihiling ko sa inyo ang buong pusong suporta, ang patuloy na sigasig at katapatan sa paglilingkod upang mapagtagumpayan natin ang mga nakalatag na nating mandato at adhikain.”
