Calape, Bohol – Aktibong nakilahok ang mga tauhan ng Calape PNP sa paglulunsad ng Brigada Eskwela sa Bentig, Calape, Bohol nito lamang ika-10 ng Agosto 2022.
Ang brigada eskwela ay isinagawa sa paaralan ng Mayor Anunciacion R. Tuazon National School of Fisheries o mas kilala sa tawag na (MARTNSF) at puspusan naman ang tulong na ipinaabot ng mga tauhan ng Calape Police Station sa pangangasiwa ni Police Major Robert Nudalo Lucernas, Chief of Police, katuwang na rin ang mga pribadong indibidwal, mga guro, mag-aaral at kanilang mga magulang.
Ang naturang aktibidad ay may temang “Brigada Eskwela: Tugon sa Hamon ng Ligtas na Balik-Aral” na naglalayong mabigyan ng maayos at malinis na paaralan ang mga bata upang makaiwas sa mga sakit na dulot ng COVID-19 at iba pa, bukod dito ay upang mas ganahan silang mag-aral lalo’t nalalapit na ang face-to- face classes.
Ang Calape Police Station ay patuloy na magbibigay ng tulong sa kanilang kababayan sa abot ng kanilang makakaya tungo sa mas maayos na pamayanan at upang mas paigtingin pa ang relasyon ng PNP at komunidad.
###
Panulat ni Patrolman Aivan M Guisadio
